Летна храна, летен ризик – како да ги заштитите децата од труење?
Труењето со храна е чест здравствен проблем кај децата, особено во лето. Се појавува ненадејно и најчесто е проследено со повраќање, дијареја и со болки во стомакот
Никнувањето на првите заби кај бебињата и кај доенчињата е индивидуален процес, кој кај различни бебиња може да се јави во различни периоди. Иако е ретка појава, некои бебиња се раѓаат со првите заби, кај други забите може да почнат да никнуваат пред да наполнат 4 месеци, а кај некои бебиња првите заби може да се појават и по 12 месеци, објаснува за „Мама не си сама“ педијатарот Елeна Манолева - Николовска.
- Кај најголем број бебиња првите запчиња почнуваат да никнуваат на возраст од околу 6-7 месеци. На возраст од три месеци бебињата почнуваат да го истражуваат светот со устата и тоа е период кога бебињата почнуваат да ги ставаат рацете во устата, поради што има зголемено лачење на плунка. Тоа е најчестата причина зошто многу родители се прашуваат дали можеби тоа се првите знаци на никнување запче кај нивното бебе. Но не се секогаш ставањето на рацете во устата и лигавењето знак дека кај детето ќе никнат заби во тој период, вели м-р д-р Елена Манолева-Николовска, специјалист педијатар.
По никнувањето на првите запчиња родителите треба веднаш да започнат со нега на забите на своето дете, со употреба на четкичка за заби и со соодветна паста за заби наменета за возраста на детето. А по првата година од животот и по изникнувањето на сите заби детето треба редовно да се води на стоматолог за навремено да се решат сите проблеми поврзани со растот и развојот на забите, формирањето на вилицата и со раната превенција од кариес на забите, советува педијатарот Манолева - Николовска
